Netanyahu fiton bindshëm zgjedhjet brenda partisë

Nga A2 CNN
27 Dhjetor 2019, 10:29 | Bota
Netanyahu fiton bindshëm zgjedhjet brenda partisë

Kryeministri izraelit Benyamin Netanyahu fitoi bindshëm zgjedhjet për lidershipin e partisë së tij Likud. Votimi, në të cilin morën pjesë rreth 49% e anëtarëve të partisë, konsiderohej si një test kyç për qëndrimin e netanjahut në pushtet.

“Me ndihmën e Zotit dhe tuajën, unë do të drejtoj Likud drejt një fitoreje të madhe në zgjedhjet a ardhshme dhe do të vazhdojë të udhëheqë shtetin e Izraelit drejt arritjeve të paprecedenta”, tha Kryeministri.

Sfiduesi Gideon Saar pranoi humbjen duke thënë se do të mbështeste rivalin në zgjedhjet e përgjithshme që pritet të mbahen ne muajin mars. Netanyahu zhvilloi një fushatë të ethshme, me qëllimin për të siguruar një fitore sa më të madhe, çka do të forconte pozitat e tij në prag të zgjedhjeve të treta për këtë viti.

Zgjedhjet e mbajtura në prill dhe shtator nuk nxorën një fitues të qartë, dhe partitë kryesore, Likud dhe Bardh e Blu, nuk arritën dot të krijonin qeverinë. Gjithashtu 70-vjeçari përballet edhe me një proces gjyqësor lidhur me akuzat për korrupsion dhe mitmarrje. (A2 Televizion)

A2 CNN Livestream

Latest Videos