Presidenti Ilir Meta do të zhvillojë disa takime këtë të mërkurë pas shqetësimeve të ngritura prej tij në lidhje me procesin e bërjes funksionale të Gjykatës Kushtetuese.
Gjatë paradites është programuar një takim me Sali Berishën, ish-President dhe ish-Kryeministër. Ndërsa burime pranë Presidencës bëjnë me dije se pasdite Presidenti do të takohet me përfaqësues të organizatave të shoqërisë civile të angazhuara në monitorimin e zbatimit të Reformës në Drejtësi.
Mes tyre do të ketë edhe përfaqësues të Fondacionit Shoqëria e Hapur Soros. Më herët Meta e ka kritikuar përfshirjen e këtij fondacioni në procesin e Reformës në Drejtësi, madje në një dalje për mediat më 2 korrik paralajmëroi George Soros: “Ai të vazhdojë të investojë në tregjet e mëdha, sepse Ilir Meta nuk është i racës së Gruevskit, por i Avni Rustemit, Mic Sokolit dhe shqiptarëve të tjerë”.
Një ditë më parë, Meta u takua edhe me kreun e PD, Basha dhe kryetarët e partive të tjera opozitare. (A2 Televizion)
A2 CNN Livestream
MUND TE LEXONI GJITHASHTU
