Gëzimi ishte i madh për Maradonën pas realizimit me sukses të operacionit në kokë, më 4 nëntor, po aq sa hidhërimi i pasdites të së mërkurës, kur Clarin, media e parë në Buenos Aires njoftoi se legjenda kishte ndërruar jetë.
Homazhet nuk munguan as në Napoli, vendin ku Maradona spikati më shumë me futbollin e klubeve. Qytetarë të panumërt, që nuk donin të dinin për pandeminë, u mblodhën pranë sheshit ka ndodhet fotografia gjigante murale e Maradonës, ndërsa qëndruan për orë të tëra duke vajtuar legjendën e tyre apo duke i kujtuar këngët që dikur i këndonin në stadium.
Dritat e stadiumit San Paolo në Napoli qëndruan të ndezura përgjatë gjithë natës, ndërkohë që krerët e klubit kanë vendosur të shtojnë edhe emrin e ikonës argjentinase në emërtimin e tij. Në Champions League, mbrëmjes e së mërkurës të gjitha skuadrat nderuan Maradonën me një minutë heshtje përpara ndeshjeve, gjë e cila do të vazhdojë edhe javën e ardhshme në Serinë A.
Në Argjentinë, takimet e Copa Libertadores u anuluan në shenjë respekti dhe do të zhvillohet në një periudhë tjetër. Ndërkohë, qeveria vendase shpalli tri ditë zi kombëtare në nder të Maradonës. (A2 Televizion)
A2 CNN Livestream
MUND TE LEXONI GJITHASHTU
