1885 – Në limanin e Nju Jorkut mbërrin Statuja e Lirisë, e cila ishte një dhuratë për Shtetet e Bashkuara nga populli i Francës. Statuja një figurë femre përfaqëson Libertas, perëndeshën romake të lirisë, e cila mban një pishtar dhe një tabletë, simbol i ligjit, mbi të cilën është gdhendur data e Shpalljes së Pavarësisë së Amerikës, 4 korrik 1776. Një zinxhir i këputur qëndron në këmbët e saj. Statuja është ikonë e lirisë, shenjë mikpritëse për emigrantët që vijnë nga larg. 
1940 – Tre vendet baltike: Estonia, Letonia dhe Lituania, bien nën pushtimin e Bashkimit Sovjetik. 
1944 - Islanda shpallet Republikë. 
1955 – Mjekët kryejnë transplantimin e parë të veshkave në botë, në një spital të Çikagos, Illinois, SHBA. 
1963 – Gjykata e Lartë në Shtetet e Bashkuara kërkon heqjen e detyrimit për recitimin e vargjeve të Biblës dhe Lutjeve Zotit në shkollat publike. 
1972 – Skandali Watergate; Herët në mëngjes, 5 veta u arrestuan për hyrjen në zyrat e Komitetit të Partisë Demokrate që ndodheshin në ndërtesën Watergate (kompleks zyrash dhe apartamentesh në kryeqytetin Uashington. 3 prej tyre ishin emigrantë kubanë, një ishte kubano-amerikan, dhe personi i pestë, James McCord, ish-agjent i CIA-s. Atë ditë, personat e arrestuar u akuzuan për vjedhje. Por të nesërmen u zbulua se McCord ishte bashkërendues për çështje të sigurisë në komisionin për rizgjedhjen e presidentit Richard Nixon; më vonë u zbulua se qëllimi i tyre ishte vendosja e pajisjeve të përgjimit në zyrat e Partisë Demokrate, opozitare e Partisë Republikane të presidentit Nixon. 
1980 – Lindi në Kaliforni Venus Williams, teniste amerikane. Për kontributin e saj në sport, ajo është renditur nga revista “Times”, midis “30 legjendave të sportit të tenisit”.
Kalendari historik, 17 qershor (A2 Televizion)
