Përgjatë gjithë sezonit, fermeri i bën çdo shërbim bimës për të pasur prodhimtari të lartë. Madje nuk kursehet as në blerjen e pesticideve apo plehrave kimike, të cilat së fundmi gati janë dyfishuar në çmim. I gjithë ky përkushtim i muajve të tërë, mund të hidhet poshtë në saj të një pakujdesi apo egoje personale.
Dalja në treg më herët sesa afati që i duhet bimës për të përthithur pesticidet dhe plehrat kimike, ofron për konsumatorin një produkt me përmbajtje të lartë lëndësh kimike. Ky nxitim ka sjellë dhe do të vijojë të sjellë probleme në eksportet e produkteve bujqësore në vendet e Rajonit.
Sipas ekspertëve, ministria e Bujqësisë nuk ka ende infrastrukturën e duhur për monitorimin e fermerëve dhe rritjen e shëndetshme të prodhimeve të tyre. Sektori i bujqësisë është një ndër sektorët më të paformalizuar, ndaj regjistrimi dhe certifikimi i fermerëve dhe produkteve të tyre, është hapi kryesor që ekspertët shohin në rritjen e sigurisë ushqimore. (A2 Televizion)
A2 CNN Livestream
MUND TE LEXONI GJITHASHTU
