Muçi ikën nga Kushtetuesja, Meta tërhiqet nga mbrojtja pas vendimit të vetting-ut

Festa e Besnik Muçit për emërimin si anëtar i Gjykatës Kushtetuese zgjati pak ditë. I vetmi emër që u përzgjodh sipas një procedure të pakontestuar nga asnjë palë, la detyrën me kërkesë të Presidentit, pasi nuk kaloi dot vetting-un për mosjustifikim të pasurisë.

Ishte vetë Meta që kërkoi tërheqjen e Muçit nga Gjykata Kushtetuese, sipas një njoftimi të Presidencës: “Presidenti Meta i kërkoi zotit Muçi që të vlerësonte mundësinë që të rishikonte qëndrimin e tij më të fundit për të kërkuar nga Gjykata Kushtetuese që të shprehej me vendim për të deklaruar përfundimin e mandatit të tij si gjyqtar kushtetues”.

Mësohet se Muçi paralajmëroi një padi në gjykatat ndërkombëtare, por ditët e tij si gjyqtar i Kushtetueses tashmë kanë mbaruar.

Ndërkohë, nuk është e qartë se përse Presidenti ndryshoi qëndrim ndaj të përzgjedhurit të tij. Një ditë më parë e kishte mbrojtur atë nga shkarkimi i Komisionit të Vetting-ut.  (A2 Televizion)