Presidenti turk, Rexhep Erdogan, vizitoi të hënën një nga rajonet e goditura nga tërmeti i 6 shkurtit, Adıyaman. Megjithatë, një veprim i tij, që u kap nga kamerat gjatë takimeve me qytetarët, ka sjellë reagime të ashpra në rrjetet sociale.
Siç shihet në disa video të shpërndara, presidenti turk u ka dhënë para fëmijëve që e pritën mes turmës në provincën juglindore të vendit. Gjesti i Erdoganit është cilësuar si i turpshëm.
Presidenti turk i ndau paratë pasi kërkoi “bekimin” nga qytetarët e zonës, duke pranuar se qeveria nuk kishte arritur të përgjigjej në mënyrë adekuate në "dy ditët e para" të tërmeteve të mëdha.
“Në dy ditët e para, në Adıyaman, për fat të keq, nuk mundëm të kryenim operacionet e shpëtimit dhe kërkimit me efikasitetin që dëshironim, për shkak të efektit shkatërrues të tërmeteve, kushteve negative të motit dhe vështirësive të shkaktuara nga infrastruktura e dëmtuar. Ne jemi të vetëdijshëm për gjithçka dhe askush nuk duhet të ketë dyshime se po bëjmë dhe do të bëjmë gjithçka që është e nevojshme”, tha ai më 27 shkurt para qytetarëve.
Kujtojmë se popullariteti i presidentit turk ka rënë ndjeshëm pas goditjes së vendit nga tërmeti shkatërrues i 6 shkurtit. (A2 Televizion)
A2 CNN Livestream
MUND TE LEXONI GJITHASHTU
