Pandemia e koronavirusit la të papunë mijëra qytetarë, kryesisht në sektorët e shërbimeve apo ndërmarrjet e prodhimeve fasone. Riintegrimi i të papunëve sërish në tregun e punës mbetet një nga sfidat më të vështira.
Eksperti i punësimit Erion Muça thotë se kërkesat në treg janë të ulëta. Nuk ka pritshmëri as mbi rezultatet e punësimit sezonal të lançuar nga qeveria.
Por, Zamira Shehaj, përgjegjëse e Zyrës së Punës në Tiranë thotë se ka aplikime për t’u riintegruar në punë.
Megjithatë, mospërshtatja e kushteve mes punëdhënësit dhe punëmarrësit vijon të mbetet një fenomen ekzistues.
Mbi 33 mijë qytetarë mbetën të papunë nga pandemia, në një kohë kur rreth 2000 biznese kanë çregjistruar aktivitetin e tyre. (A2 Televizion)
A2 CNN Livestream
MUND TE LEXONI GJITHASHTU
