Zyrtarisht, edhe Shqipëria preket nga variant Omicron. Dy rastet e para janë konfirmuar nga laboratori i referencës në Gjermani, por numri i të infektuarve realë është shumë më i lartë. Lajmi për qarkullimin e Omicron është bërë publik nga ekspertët e komitetit teknik.
Por ndryshe nga vendet e tjera që po anulojnë festimet nga frika e Omicron, komiteti i ekspertëve ka hequr orën policore natën e ndërrimit të viteve duke lejuar festimet jo vetëm në sheshe.
“Ora policore do të mbetet e njëjtë, pra ora 23, me përjashtim të ndërrimit e viteve, në linjë me përcaktimet e standardit të lejimit”, deklaroi zëvendësministrja Mira Rakacolli.
Me lejimin e festimeve do të rriten infektimet dhe shtrimet në spitale. E kur nuk mund të flitet më për zbatim masash, ekspertët bëjnë thirrje për vaksinim.
“30% i të sëmurëve i takojnë moshës 19-43 vjeç”, shtoi Najada Como.
Varianti Omicron ka alarmuar mbarë botën për shkak të transmetueshmërisë së lartë dhe frikës së kolapsit në spitale. (A2 Televizion)
A2 CNN Livestream
MUND TE LEXONI GJITHASHTU
