Ministri i Brendshëm, Sandër Lleshaj e ka konsideruar si një test të rëndësishëm për marrëdhënien SPAK me Policinë e Shtetit operacionin e përbashkët italo-shqiptar ku u arrestuan 37 persona.
Lleshaj u shpreh se kur institucionet punojnë bashkë, atëherë lufta kundër krimit bëhet më e fuqishme.
“Operacioni i përbashkët italo-shqiptar dha sot një goditje shumë të fortë kundër krimit të organizuar në të dy brigjet e Adriatikut. Në të njëjtën kohë, operacioni provon fuqinë e pafundme kundër të keqes kur institucionet punojnë bashkë si në rrafshin kombëtar ashtu edhe atë ndërkombëtar. Kjo goditje ishte një test i rëndësishëm për marrëdhënien e re të SPAK me Policinë e Shtetit”, shkruan Lleshaj.
Edhe ambasadori i Bashkimit Europian, Luigi Soreca e ka vlerësuar operacioni antidrogë të autoriteteve shqiptare me ato italiane.
Diplomati europian u shpreh se lufta kundër krimit të organizuar është një prioritet për BE dhe rrugëtimin e Shqipërisë drejt familjes europiane. (A2 Televizion)
A2 CNN Livestream
MUND TE LEXONI GJITHASHTU
