Policia e Shtetit ka finalizuar një operacion antidrogë në qytetin e Elbasanit ku u arrestuan 4 persona dhe u shpallën në kërkim 3 të tjerë. Gjatë operacionit të koduar “Palestra” u sekuestruan 11 kg lëndë narkotike e llojit kanabis sativa.
Policia bën me dije se të arrestuarit për lëndën narkotike janë shtetasit R. R., 26 vjeç, B. A., 26 vjeç, D. P., 25 vjeç dhe V. T., 51 vjeç, të gjithë banues në Elbasan. Në kërkim janë shpallur dhe tre persona të tjerë, identiteti i të cilëve nuk bëhet I ditur për arsye hetimore.
Lënda narkotike u gjet gjatë kontrollit në mjetin e shtetasit V.T. në lagjen "Emin Matraxhiu". Sipas policisë, këta shtetas, në bashkëpunim me njëri-tjetrin, do ta shpërndanin lëndën narkotike në qytetin e Elbasanit.
Materialet procedurale i kaluan Prokurorisë pranë Gjykatës së Shkallës së Parë Elbasan, për veprën penale "Prodhimi dhe shitja e narkotikeve”, e kryer në bashkëpunim. (A2 Televizion)
A2 CNN Livestream
MUND TE LEXONI GJITHASHTU
