Pas rizgjedhjes së Lulzim Bashës në krye të selisë blu, ka reaguar edhe ish- kreu i Bindjes Demokratike Astrit Patozi. Në një postim në rrjetet sociale, të shoqëruar edhe me një foto nga marrëveshja e 17 majit 2017 të Ramës dhe Bashës, Patozi pa kursyer ironinë shprehet se me Bashën, Edi Rama fiton pastër edhe pse për dikë kjo mund të quhet masakër zgjedhore.
“Edi Rama fiton pastër me Lulin, megjithëse për dikë kjo quhet masakër zgjedhore ose inxhinieri manipulimi. Basha, po ashtu, i mund pastër rivalët e vet në PD, ndonëse kjo konsiderohet si maskaradë zgjedhore. Por edhe "të mundurit" e tij do të fitonin thellë me ndjekësit e tyre në FB, gjithmonë, nëse do të ishin vetëm ata që do të votonin”.
“Ndërkohë që secili prej këtyre të fundit ndjehet pa asnjë dyshim Zot, kur shkon në shtëpinë e vet, sepse e vë në rresht gruan bashkë me fëmijët, në shumicën e rasteve pa asnjë kontestim rezultati”, vijon më tej Patozi.
Sipas tij: “Rëndësi ka pjesëmarrja çuna, se të tjerat rregullohen. Nuk prishemi asnjëherë për termat. Fituesit le të flasin për demokraci funksionale, ndërsa të mundurit janë të lirë të ankohen për autokraci, madje edhe për diktaturë, po nuk u mjaftoi llogaria. Puna është si të shtyhen ditët deri në zgjedhjet e tjera, secili sipas rangut, mjafton që të kesh dikë poshtë vetes”. (A2 Televizion)
A2 CNN Livestream
MUND TE LEXONI GJITHASHTU
