Një 45-vjeçar nga Zavalina, në Elbasan, i është kërkuar nga policia t’i bëhet kontroll banesës së tij.
45-vjeçari nuk ka pranuar dhe ka qëlluar me armë në drejtim të efektivëve. Policia ka kërkuar shërbime shtesë. Në vendngjarje ka mbërritur RENEA dhe mësohet se po negocion me 45-vjeçarin.
Ngjarja duket e njëjtë me atë të një muaji më parë, ku RENEA qëlloi për vdekje 70-vjeçarin në lagjen 5 maji.
“Forcat e Drejtorisë Vendore të Policisë Elbasan kanë shkuar në fshatin Selte, Elbasan, për kontroll banese, me vendim Gjykate, në banesën e shtetasit J. K., pasi dyshohej se dispononte armë zjarri pa leje.
Në momentin që shërbimet e Policisë kanë arritur në banesën e shtetasit J. K., ky shtetas, në tentativë për t'i shpëtuar Policisë, ka qëlluar me armë zjarri në drejtim të punonjësve të Policisë duke u rrezikuar jetën e punonjësve të policisë.
Nga të shtënat nuk ka punonjës policie të lënduar. Policia Vendore ka rrethuar zonën në një perimetër të gjerë duke marrë masa sigurie për jetën e tyre dhe të qytetarëve të tjerë në atë zonë.
Në ndihmë të Policisë Vendore janë nisur forcat speciale Renea”, thuhet në njoftimin e policisë mbi ngjarjen. (A2 Televizion)
A2 CNN Livestream
MUND TE LEXONI GJITHASHTU
