Policia zbulon tunelin nga ku do të grabitej banka në Tiranë

Policia ka arritur të zbulojë një tunel në Tiranë, i cili dyshohet se do të përdorej për të grabitur një bankë të nivelit të dytë.

Policia bën të ditur se në bazë të informacioneve të siguruara në rrugë operative, në bulevardin "Zogu I" po kryheshin gërmime, duke përdorur tunele të nëndheshme, me qëllim depërtimin në ambientet e brendshme të një banke të nivelit të dytë, falë reagimit të menjëhershëm, kanë bërë të mundur parandalimin e vjedhjes në bankë.

Shërbimet e Policisë janë duke kryer hetime të thelluara me qëllim identifikimin, kapjen e autorëve dhe vënien e tyre para përgjegjësisë.

Materialet hetimore i kaluan Prokurorisë së Rrethit Gjyqësor Tiranë, për veprime të mëtejshme procedurale, për veprën penale "Vjedhja e bankave dhe arkave të kursimit", kryer në bashkëpunim. (A2 Televizion)