Njëzëri, opozita ka dalë në mbështetje të bojkotit të pedagogëve për mos fillimin e mësimit në universitete. I pari që reagoi ishte kryedemokrati Sali Berisha, i cili e cilësuar protestën si jetësore për universitetin.
“Ky vendim është një vendim i jashtëzakonisht i rëndësishëm i cili synon të parandalojë shuarjen e universiteteve tona”.
Teksa mori si shembull dhe pagat e pedagogëve në Kosovë, Berisha deklaroi se buxheti ka para për të plotësuar kërkesat e pedagogëve, por sipas tij ato vidhen.
“Vidhen miliona miliona euro dhe shpërdorohen nga të cilat 4 milionë për syrin e Ramës për instalacionin e drurit , 6 milionë euro për satelitët se sytë nuk lejojnë të shikojnë katet shtesë nga toka. E vërteta është që para ka, por ato nuk shkojnë në destinacionin e duhur”.
Në mbështetje të pedagogëve doli dhe drejtuesi i kampit tjetër të opozitës, Partisë së Lirisë, Ilir Meta.
“Protestë që bëhet në Shqipëri dhe inkurajoj pedagogët, studentët e grupet e interesit të shfrytëzojnë të gjitha të drejtat që u jep kushtetuta për të mbrojtur të drejtat e tyre”
Meta shtoi se grevat dhe protestat janë të domosdoshme për rrëzimin e çfarë konsiderohet prej tij si regjimi i Ramës. (A2 Televizion)
A2 CNN Livestream
MUND TE LEXONI GJITHASHTU
