Një njoftim i ngjitur në një prej lokaleve të Elbasanit, ku kërkohej një pastruese jo me ngjyrë, ka ngjallur reagimin e komunitetit rom dhe egjiptian, të cilët shprehen se ndihen të diskriminuar.
Vetë pronari i lokalit, i pyetur, është shprehur se ai njoftim nuk ishte ngjitur prej tij, dhe duke e dënuar aktin. “Është gabim i madh që unë e dënoj, me këtë komunitet kam punuar vetë”, thotë pronari Fatmir Bakalli.
Po pavarësisht kësaj, anëtarë të komunitetit rom dhe egjiptian shprehen se diskriminimin e ndjejnë çdo ditë thuajse në të gjithë fushat e jetës së tyre, sidomos në përpjekjet e tyre për t’u punësuar. Për këtë arsye, ata kanë protestuar për të ndërgjegjësuar opinionin publik dhe institucionet.
“Nuk dua të investigojmë rastin konkret, por rasti tregon për fenomenin e diskriminimit ndaj minoritetit rom dhe egjiptian, që është një plagë në shoqërinë shqiptare.
Ndërkohë, edhe një tjetër shtresë e shoqërisë ka protestuar në Durrës për diskriminim dhe trajtim të pabarbartë. Personat me aftësi ndryshe protestuan para bashkisë së Durrësit për të drejtat e tyre.
Edhe pse legjislacioni shqiptar garanton trajtim të barabartë dhe krijimin e kushteve për këto shtresa të shoqërisë, në realitet shumë pak bëhet në ndihmë të tyre. (A2 Televizion)
A2 CNN Livestream
MUND TE LEXONI GJITHASHTU
