Kryeministri Edi Rama nga Belshi kërkoi votën e qytetarëve me 14 maji, por në retorikën e tij politike nuk munguan as sulmet ndaj kandidatëve të koalicionit “Bashkë Fitojmë”.
Rama ka ironizuar kandidatin e koalicionit Berisha-Meta, Luçiano Boçin për të cilin thotë se është një zar i Sali Berishës dhe Ilir Metës. Për ta Rama thotë se kanë hallet e tyre personale dhe nuk e kanë mendjen te problemet e njerëzve. Për Luçiano Boçin, Rama thotë se i kujton Lulzim Bashën, por në ndryshim nga Basha, sipas kryeministrit Boçi fle më pak gjumë dhe kështu gënjen më shumë.
Rama thotë se Boçi i kujton edhe filmin ‘Zonja nga qyteti’’, pasi sipas tij është i vetmi kandidat në historinë e zgjedhjeve në botë që firmos një kontratë me statusin kryebashkiaku i ri për të sjellë 400 mln investime në Elbasan, nga një kompani që nuk figuron asgjëkund. (A2 Televizion)
A2 CNN Livestream
MUND TE LEXONI GJITHASHTU
