Edhe pse SPAK ka përmbushur shumë pak pritshmëritë e opozitës, për Alibeajn zgjedhja nga PD si organi që do të kryejë vetingun e politikanëve është bërë se është kërkesë e Komisionit të Venecias, por edhe për t’ i dhënë mbështetje reformës në drejtësi.
“Ne si opozitë prisnim më shumë nga SPAK, e kemi testuar SPAK dhe shumë pak ka dhënë rezultat. Nuk ka përmbushur të gjithë pritshmëritë e mëdha që deri ën 2016 ishin. Ne e kemi përzgjedhur për t’ i dhënë një mbështetje reformës në drejtësi. Kjo zgjedhje e jona është bërë se është kërkesë e Komisionit të Venecias, që të jetë familjar me çështjet e korrupsionit”.
Por i pyetur nga Edlira Gjoni se çfarë e bën PD-në që të ketë besim te SPAK, në një kohë kur nuk është marrë me asnjë nga 7 kryebashkiakët që PD ka identifikuar se binin ndesh me ligjin e dekriminalizimit, Alibeaj thotë që çdo palë tjetër do të duhet ta pranojë si një mekanizëm, përderisa ata e pranojnë.
“Dikush duhet ta bëjë, duhet të jetë e shkruar që është i distancuar politikisht, do të duhej të ishte një trupë e specializuar. Do të duhet të ishte një nga organet e reja të specializuar. Duhet të kishte imunitet dhe i mirëpaguar. Përgjigja është e thjeshtë, nëse SPAK nuk ka vepruar si duhet të dëmtuarit kush do të ishin, do të ishim ne opozita. Ne po e ndërmarrim këtë hap për t’ia dhënë si përgjegjësi SPAK-ut dhe të bëhemi ne të parët që ta çajmë si edukatë politike e ligjore për t’ iu nënshtruar SPAK-ut. Përderisa ne mosbesuesit ndaj SPAK e pranojmë, besoj çdo palë tjetër do të duhet ta pranojë si një mekanizëm që do të duhet të funksionojë. E rëndësishme është të krijojmë mekanizmin. Dhe forca më e madh është nevoja ulëritëse që ka shoqëria për ta bërë vetingun e politikanëve”.
I pyetur nëse ka pritshmëri nga SPAK për vetingun e politikanëve, Alibeaj u përgjigj sikurse kreu demokrat: Le të fillojë nga ne të parët.
Por pse duhet të merret SPAK kur PD ka vullnetin të vetëpastrohet, Alibeaj shprehet se pala tjetër, duke nënkuptuar mazhorancën është e përfshirë në krim dhe korrupsion politik.
“Kemi bërë akte të tjera që në 2015, që dy kandidatë tanët në këto zgjedhjet që deklaruan se kishin probleme me dekriminalizimin i hoqëm, ne kemi bërë tonën. Por pala tjetër është refraktare dhe shton përfshirjen e krimit e korrupsionit politik. Duhet të krijohet një mekanizëm ligjor se forca morale e shembullit në një politikë antimorale nuk funksionon”. (A2 Televizion)
A2 CNN Livestream
MUND TE LEXONI GJITHASHTU
