Nicolas Maduro shkeli tokën Amerikane, por vetëm me pranga në duar. Llogaria zyrtare e Shtëpisë së Bardhë për Reagimin e Shpejtë postoi një video të udhëheqësit të rrëzuar të Venezuelës duke ecur i shoqëruar nga agjentë federalë.
“Krimineli eci”, shkroi Rapid Response 47, duke shoqëruar pamjet filmike, që tregojnë Maduron të veshur me një bluzë me kapuç të zi, duke ecur përgjatë një korridori të shtruar me qilim blu me mbishkrimin "DEA NYD", shkruan A2 CNN.
Në video, Maduro duket se uron "Gëzuar Vitin e Ri".
Qendra Metropolitane e Paraburgimit në New York City, MDC, është burgu federal ku presidenti i rrëzuar i Venezuelës, Nicolás Maduro, u dërgua nga agjentët amerikanë pas mbërritjes së tij në New York dhe ku me sa duket do të kalojë ditët e ardhshme duke pritur gjyqin, raportoin A2 CNN.
I përshkruar si "i neveritshëm" dhe me kushte "të tmerrshme", MDC është famëkeq për kushtet e tij të mjerueshme, mungesën kronike të personelit, dhunën e të burgosurve dhe ndërprerjet e energjisë elektrike, raporton CNN.
I ndërtuar në vitet 1990 për të luftuar mbipopullimin e burgjeve, objekti ka mbajtur figura të tilla si këngëtari R. Kelly, Martin Shkreli, ish-partnerja e Jeffrey Epstein, Ghislaine Maxwell, ish-eksperti i kriptomonedhave Sam Bankman-Fried dhe manjati i muzikës Sean "Diddy" Combs. Udhëheqësi i dyshuar i kartelit Ismael "El Mayo" Zambada Garcia u mbajt gjithashtu në MDC duke pritur gjyqin për vrasje dhe trafik droge, përcjell A2 CNN.
Kushtet e burgut janë jashtëzakonisht të dhunshme: një i burgosur u godit me thikë për vdekje në qershor 2024 dhe një tjetër vdiq në një sherr një muaj më vonë. Një ndërprerje e energjisë elektrike në vitin 2019 i la të burgosurit në errësirë pothuajse totale dhe temperatura ngrirëse për një javë. MDC është i vetmi institucion korrektues federal që vepron në Neë York City që kur objekti i Manhattanit u mbyll pas vetëvrasjes së financuesit multimilioner dhe të akuzuarit për trafikim seksual Jeffrey Epstein në vitin 2019.
Venezuela ka shpallur gjendje të jashtëzakonshme kombëtare dhe denoncon "agresionin ushtarak". Presidenti Donald Trump thotë se SHBA-të do ta “drejtojnë” Venezuelën “deri në kohën kur të mund të bëjmë një tranzicion të sigurt, të duhur dhe të mençur”.
Kompanitë amerikane të naftës do të riparonin gjithashtu "infrastrukturën e prishur" të Venezuelës dhe "do të fillonin të fitonin para për vendin", thotë Trump. (A2 Televizion)
A2 CNN Livestream
MUND TE LEXONI GJITHASHTU
