Qeveria franceze bëri thirrje të premten për një armëpushim gjatë Krishtlindjeve me fermerët protestues, duke paralajmëruar kundër bllokimeve të mëtejshme gjatë sezonit të festave. Megjithatë, sindikata kryesore e fermerëve tha se kjo varet nga përgjigjja e kryeministrit ndaj kërkesave të tyre, shkruan A2 CNN.
Fermerët kanë bllokuar rrugë, kanë hedhur pleh dhe kanë organizuar protesta në Francë për më shumë se një javë, në shenjë kundërshtimi ndaj mënyrës se si qeveria po menaxhon një sëmundje që ka prekur gjedhët, si dhe ndaj marrëveshjes tregtare me bllokun e Amerikës së Jugut, Mercosur.
Të premten, fermerët u mblodhën me traktorë përpara rezidencës së presidentit Emmanuel Macron në zonën bregdetare Le Touquet, në veri të Francës, ku vendosën një arkivol me mbishkrimin “RIP bujqësia” dhe “JO Mercosur”. Protestuesit argumentojnë se politika e qeverisë për asgjësimin e të gjithë tufës së bagëtive kur zbulohet sëmundja e lëkurës me gunga është e tepruar dhe mizore. (A2 Televizion)
A2 CNN Livestream
MUND TE LEXONI GJITHASHTU
