Irani godet Haifa-n në veri të Izraelit, deri tani konfirmohen gjashtë të plagosur

Sipas autoriteteve në Izrael, vala më e fundit e sulmeve ka shënjestruar veriun e vendit, konkretisht qytetin e Haifas dhe zonat përreth tij.

Burime mjekësore izraelite bëjnë të ditur se gjashtë persona janë plagosur; disa prej tyre kanë pësuar tronditje psikologjike, ndërsa një person është goditur nga gurë të shkaktuar nga vala goditëse e sulmit, e cila ka shkaktuar dëme, përcjell A2CNN.

Duhet theksuar se Haifa është një qytet strategjik dhe shumë i rëndësishëm në Izrael. Ajo ka një numër të madh banorësh dhe është gjithashtu vendndodhja e një rafinerie nafte, më e rëndësishmja në vend, e cila përpunon rreth 70 për qind të kapacitetit total të rafinimit në Izrael.

Këtë herë rafineria nuk është goditur, por gjatë kësaj lufte ajo është sulmuar dy herë. (A2 Televizion)