Duke folur dje për televizionin iranian Press TV, zëdhënësi i Ministrisë së Jashtme të Iranit, Esmaeil Baghaei, tha se vendet e Gjirit duhet të ndalojnë “huazimin e sigurisë” nga shtete jashtë rajonit, përcjell A2CNN.
Baghaei deklaroi se prania ushtarake e SHBA-së në Gjirin Persik “është një barrë dhe nuk sjell asgjë tjetër veçse pasiguri”, duke akuzuar Uashingtonin se përdor asetet ushtarake dhe mbështetjen logjistike në vendet e Gjirit për të “çuar më tej aktet e agresionit kundër Iranit”.
“Ne nuk ndiejmë armiqësi ndaj asnjë vendi të rajonit. Arsyeja e vetme pse u detyruam të godisnim territoret e tyre ishte thjesht sepse duhej të mbroheshim nga një akt agresioni nga SHBA-ja dhe Izraeli,” shtoi ai.
Siç është raportuar, Emiratet e Bashkuara Arabe njoftuan se të paktën 15 raketa dhe disa dronë nga Irani shënjestruan territorin e tyre dje, përfshirë një objekt nafte në Fujairah që u godit. (A2 Televizion)
A2 CNN Livestream
MUND TE LEXONI GJITHASHTU
