Volodymyr Zelenskyy kërkon patjetër armëpushim me Rusinë. Në një reagim në orët e vona të mbrëmjes, lideri i Ukrainës kërkoi edhe një sinkronizim të sanksioneve europiane edhe me vendet që nuk janë pjesë e Bashkimit Europian.
Ndërkohë kësaj ftese Moska i është përgjigjur pozitivisht.
“Sekretari i Këshillit të Sigurisë dhe Mbrojtjes Kombëtare, Umerov, raportoi se ka propozuar takimin e radhës me palën ruse për javën e ardhshme. Dinamika e negociatave duhet të rritet. Duhet bërë gjithçka për të arritur një armëpushim. Pala ruse duhet të ndalojë shmangien e vendimeve. Shkëmbimi i të burgosurve, kthimi i fëmijëve, ndërprerja e vrasjeve. Një takim në nivelin e udhëheqësve është i nevojshëm për të siguruar vërtet paqen, një paqe të qëndrueshme. Ukraina është gati për një takim të tillë. Ministri i Punëve të Jashtme i Ukrainës mbajti një raport, ku u trajtuan tema të ndryshme. E para ishin sanksionet. Diskutuam sinkronizimin e sanksioneve. Është shumë e rëndësishme që paketa e re e sanksioneve të Bashkimit Evropian të mbështetet nga vendet e tjera evropiane që aktualisht nuk janë anëtare të BE-së. Ne do ta vazhdojmë këtë proces shumë të rëndësishëm të sinkronizimit të sanksioneve, jo vetëm të sanksioneve evropiane, brenda juridiksioneve tona. Unë udhëzova që kjo punë të bëhet sa më shpejt të jetë e mundur. Po punojmë gjithashtu në drejtimin amerikan. Kemi marrëveshje me Presidentin Trump që duhet t'i zbatojmë sa më shpejt të jetë e mundur. Ukraina është e përkushtuar ndaj produktivitetit maksimal. Kjo ka të bëjë me marrëveshjet tona për mbrojtjen ajrore dhe një marrëveshje të re për armët me Amerikën”, tha Zelensky. (A2 Televizion)
A2 CNN Livestream
MUND TE LEXONI GJITHASHTU
