Katër gra kanë akuzuar aktorin fitues të çmimit Oscar dhe vokalistin e grupit “Thirty Seconds to Mars”, Jared Leto, për sjellje seksuale kriminale, për episode që kanë ndodhur kur ato ishin adoleshente.
Njëra nga gratë thotë se është sulmuar seksualisht në banjën e një moteli kur ishte 17 vjeç. Një tjetër thotë se ylli i Hollivudit e kërcënoi me sulm seksual kur ishte 19 vjeç dhe se papritur kishte mbetur vetëm me të në një dhomë hoteli.
E treta përshkruan se si ajo kreu marrëdhënie seksuale nën moshë me yllin në Kaliforni kur ishte 17 vjeç.
Gruaja e katërt përshkruan se si Leto e ngacmonte seksualisht, duke thënë se ai abuzoi me statusin e tij të famshëm duke i bërë telefonata të përsëritura me përmbajtje seksuale eksplicite kur ajo ishte 16 vjeç. Në të paktën një rast, ajo thotë se ai sugjeroi që të bënin seks.
Më pas asaj iu dërgua një marrëveshje konfidencialiteti (NDA) për ta ndaluar të fliste për marrëdhënien e saj me Leton. Megjithatë, ajo refuzoi ta nënshkruante.
Katër gra të tjera thonë gjithashtu se kanë marrë telefonata të çuditshme dhe shpesh shumë seksuale nga Leto kur ishin më të reja.
(A2 Televizion)
A2 CNN Livestream
MUND TE LEXONI GJITHASHTU
