Udhëheqësi suprem i Iranit, Mojtaba Khamenei, u ka bërë thirrje Afganistanit dhe Pakistanit që të ndalin përplasjet dhe të punojnë për përmirësimin e marrëdhënieve mes tyre, duke ofruar edhe ndihmën e Teheranit si ndërmjetës.
Në një deklaratë zyrtare, Khamenei theksoi rëndësinë e stabilitetit në rajon, duke i cilësuar të dy vendet si fqinj të afërt dhe partnerë të rëndësishëm për Iranin.
“Ne i konsiderojmë fqinjët tanë lindorë shumë të afërt me ne,” u shpreh ai.
“I bëj thirrje dy vendeve tona vëllazërore, Afganistanit dhe Pakistanit, që të vendosin marrëdhënie më të mira me njëri-tjetrin dhe unë vetë jam i gatshëm të ndërmarr veprimet e nevojshme.”
Deklarata vjen në një moment tensionesh të vazhdueshme mes Afganistanit dhe Pakistanit, ku përplasjet kufitare dhe çështjet e sigurisë kanë ndikuar në përkeqësimin e raporteve.
(A2 Televizion)
A2 CNN Livestream
MUND TE LEXONI GJITHASHTU
