Presidenti francez Emmanuel Macron thotë se dëshiron që udhëheqësit e Ukrainës dhe Rusisë të zhvillojnë bisedime në një "vend neutral" si Zvicra, duke shtuar se po "këmbëngul për Gjenevë".
Sipas mediave të huaja, Macron thotë se dëshiron të shohë edhe udhëheqësit evropianë në tryezë, si pjesë e çdo samiti midis Zelenskyt dhe Putin.
Macron i bëri këto komente në një intervistë me transmetuesin francez LCI, duke konfirmuar se sot do të fillojë puna për hartimin e një propozimi për garanci sigurie për Ukrainën.
"Ne do të bashkojmë koalicionin e të vullnetshëmve me kryeministrin britanik Keir Starmer për t'i mbajtur ata të informuar", tha Macron më tej, shkruan A2 CNN.
"Në të njëjtën kohë, ne do të nisim punë konkrete me amerikanët, për të parë se kush është i gatshëm të bëjë çfarë", shtoi ai.
“Ukraina do të bëjë lëshimet që i konsideron të drejta dhe të mira. Kjo paqe nuk mund të jetë një kapitullim, kjo do të ishte tragjike për Ukrainën dhe evropianët”, përfundoi Macron. (A2 Televizion)
A2 CNN Livestream
MUND TE LEXONI GJITHASHTU
