Kancelari gjerman Friedrich Merz ka deklaruar se marrëdhënia e tij me Donald Trump mbetet e mirë, pasi më herët kishte thënë se udhëheqja iraniane po e “poshtëronte” SHBA-në në tryezën e negociatave, përcjell A2CNN.
“Nga këndvështrimi im, marrëdhënia ime personale me presidentin amerikan mbetet e mirë. Unë thjesht kisha dyshime që në fillim për atë që u nis me luftën në Iran. Prandaj e kam bërë të qartë këtë,” u tha Merz gazetarëve.
“Në Gjermani dhe në Europë po vuajmë pasojat, siç është mbyllja e Ngushticës së Hormuzit. Kjo ka ndikim të drejtpërdrejtë në furnizimin tonë me energji dhe një ndikim të madh në performancën tonë ekonomike,” tha ai, duke shtuar se Uashingtoni dhe Berlini janë në komunikim.
Të hënën, Merz kishte thënë se nuk mund të shihte “çfarë daljeje strategjike do të zgjedhin amerikanët, sidomos kur iranianët duket se po negociojnë me shumë aftësi, ose po shmangin negociatat me shumë aftësi”.
Të nesërmen, Trump e kritikoi Merz për qëndrimin e tij, duke thënë se kancelari gjerman nuk e dinte për çfarë po fliste. (A2 Televizion)
A2 CNN Livestream
MUND TE LEXONI GJITHASHTU
