Plani i paqes me 28 pika i shpallur nga SHBA-të javën e kaluar "nuk ekziston më", tha një këshilltar i kreut të zyrës së presidentit ukrainas.
Sipas mediave të huaja, në një postim në Facebook, Oleksandr Bevz, i cili ishte pjesë e ekipit negociator në Gjenevë, tha se Kievi pati "bisedime shumë konstruktive me Shtetet e Bashkuara".
Ai tha se sekretari i Shtetit i SHBA-së, Marco Rubio, pretendoi se ishte takimi "më produktiv" midis Ukrainës dhe administratës së Presidentit Donald Trump.
Ukraina shqyrtoi çdo pikë të planit të propozuar me SHBA-në dhe se plani, "në formën që të gjithë e kishin parë më parë, nuk ekziston më", tha ai.
"Disa pika u hoqën, të tjera u rishikuan - asnjë nga shqetësimet e Ukrainës nuk mbeti pa u trajtuar", shtoi ai, shkruan A2 CNN.
Bevz tha se "vendimet përfundimtare mbi çështjet më të ndjeshme" do të merren nga Volodymyr Zelenskyy dhe Presidenti Trump. (A2 Televizion)
A2 CNN Livestream
MUND TE LEXONI GJITHASHTU
