Parada tradicionale në Rusi, që shënon fitoren ndaj Gjermanisë Naziste në Luftën e Dytë Botërore do të mbahet javën e ardhshme pa tanke, raketa dhe pajisje të tjera ushtarake, shkruan A2CNN.
Kjo gjë u bë e ditur nga ministria e mbrojtjes, përmes një deklarate. Do të jetë hera e parë në gati dy dekada, që asnjë pajisje ushtarake nuk do të parakalojë në sheshin e Kuq të Moskës më 9 maj, festa më e rëndësishme jo-fetare në vend.
Kremlini e ka përdorur atë për të shfaqur fuqinë ushtarake dhe ndikimin global, dhe është një burim krenarie patriotike. Ministria citon situatën operacionale aktuale si arsye për përjashtimin e artilerisë dhe kadetëve nga parada e këtij viti, në 81 vjetorin e fitores ndaj nazismit.
Siç u tha, parada do të përfshijë “ushtarakë nga institucionet e larta të të gjitha llojeve dhe nga disa degë të caktuara të Forcave të Armatosura të Rusisë”, si dhe një fluturim tradicional të avionëve ushtarakë.
Presidenti rus, Vladimir Putin i tha presidentit të SHBA-së Donald Trump në një telefonatë më vonë të mërkurën se ishte i gatshëm të shpallte një armëpushim me Ukrainën për festën e Ditës së Fitores, sipas këshilltarit presidencial Yuri Ushakov. (A2 Televizion)
A2 CNN Livestream
MUND TE LEXONI GJITHASHTU
