Rrëzimi i kabinës së teleferikut në Itali, raportohet për 4 të vdekur, mes tyre një çift britanik

Një çift britanik ishte mes katër personave të vrarë në një aksident me teleferik pranë Napolit, ka thënë policia italiane.

Sipas mediave të huaja, Kabina e teleferikut malor u rrëzua në tokë pasi një nga kabllot që e mbështesin atë u këput të enjten, thanë zyrtarët lokalë.

Operatori i teleferikut tha se kishte kaluar një inspektim sigurie vetëm dy javë më parë dhe tani për këtë çështje është hapur një hetim penal.

Zyra e jashtme e Mbretërisë së Bashkuar tha se ishte në kontakt me autoritetet lokale, por nuk ka konfirmuar identitetin e viktimave, shkruan A2 CNN.

Ata besohet të jenë tre pasagjerë dhe drejtuesja e teleferikut, e cili u identifikua nga zyrtarët lokalë si 59-vjeçarja Carmine Parlato.

Personi i katërt që vdiq ishte një grua izraelite, sipas një zëdhënësi të kryebashkiakut të Castellammare di Stabia. (A2 Televizion)