Shpërthime goditën të mërkurën një port për ngarkimin e gazit natyror në brigjet e Mesdheut në Egjipt. Kompania britanike e sigurisë detare “Ambrey” njoftoi se një anije-cisternë lundruese për magazinimin e gazit, në pronësi të një kompanie amerikane, u godit nga një dron, duke ngritur shqetësime për përhapjen e konfliktit në Lindjen e Mesme.
Deri më tani nuk ka pasur asnjë pretendim për përgjegjësi lidhur me incidentin në portin egjiptian të Damietës.
Më herët gjatë së mërkurës, Shtetet e Bashkuara dhe Arabia Saudite goditën grupe paramilitare të mbështetura nga Irani në Irak.
Ndërkohë, presidenti amerikan Donald Trump u zotua se do ta “godiste rëndë” Iranin, pasi sipas tij kishte qëlluar ndaj trupave amerikane, vetëm pak ditë pasi ai kishte urdhëruar pezullimin e sulmeve ajrore.
(A2 Televizion)
A2 CNN Livestream
MUND TE LEXONI GJITHASHTU
