Zëdhënësja e Forcave Mbrojtëse të Izraelit (IDF), Gjeneral Brigade Effie Defrin, ka dhënë më shumë detaje mbi sulmet e Izraelit gjatë natës në Iran.
Sipas mediave të huaja, Defrin thotë se Forcat Mbrojtëse të Izraelit (IDF) "dëmtuan ndjeshëm" uzinën bërthamore të Natanzit, e cila është uzina kryesore e pasurimit të uraniumit në Iran.
Më parë, Agjencia Ndërkombëtare e Energjisë Atomike konfirmoi se uzina bërthamore në fjalë u godit nga sulmet ajrore izraelite, shkruan A2 CNN.
“Ky objekt i shërbeu Gardës Revolucionare për të çuar përpara programin e tyre bërthamor ushtarak”, thotë zëdhënësi i IDF-së.
"Për shumë vite, njerëzit e regjimit iranian bënë përpjekje për të siguruar armë bërthamore në këtë objekt", thotë ai, përpara se të pretendojë se vendi "ka infrastrukturën e nevojshme për të pasuruar uraniumin në një nivel ushtarak".
Autoritetet iraniane më herët sot informuan IAEA-ja se nuk kishte pasur rritje të niveleve të rrezatimit. (A2 Televizion)
A2 CNN Livestream
MUND TE LEXONI GJITHASHTU
