Marrëdhëniet Kinë-Rusi janë më të qëndrueshmet, më të pjekurat dhe më të rëndësishmet strategjikisht midis fuqive të mëdha në botën e sotme të trazuar dhe në ndryshim të vazhdueshëm. Kështu u shpreh presidenti Xi Jinping, gjatë takimit me Kryetarin e Dumës Shtetërore Ruse, Vyacheslav Volodin, në Sallën e Madhe të Popullit.
Ai theksoi se "promovimi i zhvillimit në nivel të lartë të marrëdhënieve dypalëshe i shërben interesave themelore të popujve të të dy vendeve dhe është një burim stabiliteti për paqen botërore".
“Kina dhe Rusia duhet të përparojnë miqësinë e tyre tradicionale, të thellojnë besimin strategjik, të bashkojnë vendet e Jugut Global dhe të promovojnë zhvillimin e një rendi ndërkombëtar më të drejtë dhe të barabartë", vijoi Xi.
Xi më pas bëri thirrje për "një shkëmbim aktiv përvojash" midis Moskës dhe Pekinit, i cili do të ndihmonte në krijimin e "garancive më të forta legjislative për bashkëpunimin strategjik Kinë-Rusi dhe shkëmbimet në fusha të ndryshme në rrethanat e reja".
Edhe Volodin nga ana e tij theksoi se bashkëpunimi midis dy vendeve ka arritur "rezultate të jashtëzakonshme" falë lidershipit të Vladimir Putin. Prandaj, Duma Shtetërore është e përkushtuar për "forcimin e shkëmbimeve dhe bashkëpunimit midis organeve legjislative ruse dhe kineze dhe për të bërë çdo përpjekje për të nxitur arritje të mëtejshme në marrëdhëniet dypalëshe". (A2 Televizion)
A2 CNN Livestream
MUND TE LEXONI GJITHASHTU
