Një person ka mbetur i vdekur dhe një tjetër është plagosur nga të shtënat me armë zjarri mbrëmjen e së martës në rrugën “Rrustem Hyseni” në Prishtinë.
Policia fillimisht konfirmoi për dy të plagosur, por njëri prej tyre ndërroi jetë në spital, konfirmoi Qendra Klinike Universitare e Kosovës.
A2 CNN mëson se i plagosuri i tjetër që ka tri plagë raportohet jashtë rrezikut për jetë. Policia po heton ngjarjen dhe ka shpallur në kërkim një te dyshuar për rastin. Kjo është vrasja e katërt në tri ditë në Kosovë.
Më 23 mars, në Vushtrri vdiq një 19-vjeçar ku personi i dyshuar është një bashkëmoshatar i tij i cili është në paraburgim dhe e ka pranuar fajësinë.
Një ditë më pas, në Vushtrri ndodhi një vrasje e dyfishtë ku një burrë dyshohet se vrau një grua dhe më pas i dha fund edhe jetës së vet. (A2 Televizion)
A2 CNN Livestream
MUND TE LEXONI GJITHASHTU
