Ministria e Financave dhe Infrastrukturës dhe Fondi Saudit për Zhvillim, kanë nënshkruar marrëveshjen 14 milionë euroshe për përmbylljen e projektit të Autostradës Prishtinë–Mitrovicë.
Kjo shumë do të financojë segmentin që fillon nga Smrekonica deri në Mitrovicë, me një gjatësi prej 5 kilometrash.
Ministri i Financave, Hekuran Murati tha se me këtë marrëveshje përmbyllet edhe pjesa tjetër e financimit për këtë projekt.
Kurse ministri i Mjedisit, Planifikimit Hapësinor dhe Infrastrukturës, Liburn Aliu tha se ky projekt është i rëndësishëm duke marrë parasysh vëllimin e trafikut.
Për rëndësinë e projektit foli edhe drejtori ekzekutiv në Fondin Sovran për Zhvillim, Sultan Almarshad.
"Ky është një bashkëpunim i vazhdueshëm mes Kosovës dhe Fondit Saudit. Marrëveshja që nënshkruhet sot është vazhdim i projektit qëështë financuar nga fondi në vitin 2013. Kjo zgjatje do ta zgjeroj rrugën në dy anët e Autostradës. Do të zvogëloj trafikun dhe do të zvogëloj aksidentet”, tha Almarshad.
Punime në këtë segment i ka parë nga afër ekipi i A2 CNN. Banorët në të dyja anët e autostradës, kishin dy kërkesa imediate, drejtuar qeverisë. (A2 Televizion)
A2 CNN Livestream
MUND TE LEXONI GJITHASHTU
