Raundi i ri i takimeve në kuadër të dialogut mes Kosovës dhe Serbisë pritet të zhvillohet javën e ardhshme, më 24 tetor. Lajmi u konfirmua nga zëdhënësi i BE, Peter Stano. Në BE përdoret gjithmonë fjala takime, pasi nuk ka siguri nëse do të ketë bisedime trepalëshe mes delegacioneve.
Kohët e fundit ka pasur vetëm takime dypalëshe, mes të dërguarit të BE për dialogun dhe Serbisë për shkak të mospajtimeve të theksuara.
Herën e fundit kur është zhvilluar një takim trepalësh ka qenë më dy korrik të këtij viti, por edhe atëherë palët dolën me qëndrime diametralisht të kundërta dhe akuzuan njëra-tjetrën për “mungesë të gatishmërisë për dialog”.
Një ditë më herët zëdhënësi i BE-së, Stano pohoi se nuk ka asgjë konkrete për një takim të nivelit të lartë mes Kosovës dhe Serbisë. (A2 Televizion)
A2 CNN Livestream
MUND TE LEXONI GJITHASHTU
