Politika në Prishtinë druan se Qeveria e re e Serbisë nuk është e interesuar të ketë normalizim të raporteve me Kosovën. Nga partia në pushtet, Lëvizja Vetëvendosje, thonë se me të sanksionuarit e Amerikës, Serbia e dëshmoi orientimin e saj të vërtetë e që është pro-rus.
“Nuk janë individë të cilët mund të kontribuojnë në përmirësimin e relacioneve mes shteteve të Ballkanit Perëndimor e në rastin konkret në mes relacioneve që Kosova përmes procesit dialogues me Bashkimin Evropian është duke tentuar të ketë të normalizuara me Republikën e Serbisë. Mendoj që me këtë përbërje të kabinetit qeveritar Republika e Serbisë ka treguar dhe njëherë qartazi orientimin e saj të vërtetë, i cili nuk është orientim pro-evropian”, tha Driton Hiseni deputet i LVV.
Edhe nga partitë opozitare thonë se mendësia e Qeverisë serbe shuan edhe ato pak shpresa për normalizim raportesh.
“Me këtë mendësi të Serbisë, me këtë mendësi që nuk e njeh realitetin e ri të krijuar në Kosovë dhe me këtë mendësi që çdo herë tenton që ta aneksojë një pjesë të Kosovës, mendoj që larg jemi normalizimit të raporteve mes Kosovës dhe Serbisë”, u shpreh Pal Lekaj deputet i AAK.
Opozita i kërkon Qeverisë që të bashkëpunojë ngushtë me shtetet aleate për të parandaluar çdo dëm që mund t’i shkaktohet Kosovës në integrimin në strukturat euroatlantike. (A2 Televizion)
A2 CNN Livestream
MUND TE LEXONI GJITHASHTU
