Qeveria e Republikës së Kosovës ka përshëndetur vendimin e Bashkimit Evropian për heqjen e plotë të masave ndëshkuese, të cilat i ishin vendosur më parë Kosovës.
Zëvendëskryeministri i parë dhe ministri i Punëve të Jashtme dhe Diasporës, Glauk Konjufca, e ka mirëpritur njoftimin e Komisionit Evropian dhe ka theksuar se ky hap duhet të shërbejë për të avancuar rrugën e Kosovës drejt anëtarësimit në BE.
“E mirëpresim konfirmimin e sotëm nga Komisioni Evropian në Komitetin për Punë të Jashtme të Parlamentit Evropian: të gjitha masat e BE-së ndaj Kosovës janë hequr dhe e gjithë ndihma financiare që ishte pezulluar më parë është liruar.
Presim që kjo të hapë një fazë të re të angazhimit konstruktiv dhe progresit konkret në rrugën tonë drejt BE-së,” shkroi Konjufca në rrjetet sociale. (A2 Televizion)
A2 CNN Livestream
MUND TE LEXONI GJITHASHTU
