Kryeministri Edi Rama vizitoi sot ish-Presidentin e Kosovës Hashim Thaçi në burgun e Hagës, Haaglenden, ku ai ndodhet prej dhjetorit të vitit 2020.
Rama u shpreh pas takimit me ish-presidentin e Kosovës se Thaçi ishte në një gjendje të mirë dhe më i vendosur se kurrë më parë se kjo ishte rruga për të provuar pastërtinë e UÇK-së.
“Ishte një çmallje e nevojshme. Presidentin Thaçi e gjeta në top formë. I bindur mbase edhe më shumë se para se të vinte këtu që kjo ishte një rrugë e pashmangshme për të provuar katërcipërisht përpara drejtësisë pastërtinë e plotë të Luftës Çlirimtare, pastërtinë e idealit të UÇK-së dhe udhëheqësve të saj.
Të gjithë ne jemi të bindur se lufta çlirimtare e Kosovës nuk mund të rishkruhet dhe as nuk mund kurrsesi nuk mund të futet në korniza të tjera. Ajo është tanimë e futur në kornizën e artë të heroizmit, të sakrificave, të gjakut të dhënë dhe të gjitha përpjekjeve të tjera për Kosovën e lirë, demokratike dhe sovrane”, u shpreh Edi Rama. (A2 Televizion)
A2 CNN Livestream
MUND TE LEXONI GJITHASHTU
