Rama: Komisioni i Venecias konfirmoi drejtësinë e qëndrimit tonë

Kryeministri Edi Rama u shpreh në Facebook se Komisioni i Venecias konfirmoi “pa asnjë ekuivok, drejtësinë e qëndrimit tonë para, gjatë dhe pas zgjedhjeve të 30 qershorit”.

“TRE PËRFUNDIME THELBËSORE të Komisionit të Venecias, që konfirmojnë pa asnjë ekuivok, drejtësinë e qëndrimit tonë para, gjatë dhe pas zgjedhjeve të 30 qershorit”, shkruan Rama në postimin e shoqëruar me 3 foto ku tregon se cilat janë këto përfundime.

Disa orë më pas, Rama, kësaj radhe në Twitter, bëri këtë postim mbi vendimmarrjen e BE-së për hapjen ose jo të negociatave: "Nëse Franz Kafka apo Ismail Kadareja do të kishin pasur mundësinë të ndiqnin nga brenda këtë procesin e vendimmarrjes së BE-së, për të thënë PO a JO për Shqipërinë dhe Maqedoninë e Veriut, do të kishin parë se si realiteti e konkuron edhe fantazinë e tyre të pakonkurueshme…". (A2 Televizion)