Rey Manaj do të mbajë numrin e legjendës Cruyff, ia “rrëmben” brazilianit Coutinho

Rey Manaj do të mbajë veshur në këtë sezon fanellën e Barcelonës me numrin legjendar 14. Ky numër, që nga sot do të jetë i sulmuesit të kombëtares shqiptare, është mbajtur në ekipin katalanas nga i madhi Yohann Cruyff, një prej futbollistëve më të mirë të historisë së futbollit.

Sezonin e kaluar, katërmbëdhjetën e mbante braziliani Coutinho, i cili i ka ditët e numëruar te Barça. Ai jo vetëm që nuk është aktivizuar në miqësoret e verës, por as nuk është grumbulluar për ndeshjen e parë të sezonit, duke u nxjerrë jashtë skuadre nga trajneri Ronald Koeman.

Tashmë, numri 14 ka kaluar te Manaj, i cili bëri paraqitje të mira në miqësore dhe, i favorizuar nga largimi i Messit, ka gjetur vend në sulmin e Barcelonës. (A2 Televizion)