Dinamo Zagreb ka fituar 3-0 sfidën kundër Osijek në kampionatit kroat, falë edhe golit të Amir Rrahmanit, i cili fitoi “betejën” në distancë me Kristal Abazajn.
Sulmuesi shqiptar luajti 90 minuta për Osijek, por nuk arriti të gjente rrugën e golit, falë edhe mbulimit të mbrojtjes së kryesuesve të kampionatit kroat, në radhët e të cilëve luan edhe lojtari i përfaqësueses së Kosovës.
Rrahmani - i larguar nga kombëtarja shqiptare pasi Gianni de Biasi nuk e përfshiu në listën përfundimtare për Euro 2016, realizoi golin e tretë në minutën e 60, pasi më parë Andric dhe Atienëen kishin shënuar në pjesën e parë.
Pas javës së 22-të, Dinamo kryeson renditjen me 57 pikë, ndërsa Osijek gjendet në vend të tretë, me 17 pikë më pak. (A2 Televizion)
A2 CNN Livestream
MUND TE LEXONI GJITHASHTU
