“Ruajini vaksinat për Covax e jo për dozat përforcuese”. Me këtë mesazh iu drejtua kompanive farmaceutike, kreu i OBSH-së, Tedros Adanom Ghebreyesus.
Sipas tij, prioritet duhet t’iu jepej shteteve të varfra që kanë mbulim të ulët me vaksina dhe në vendet ku niveli i imunizimit i ka tejkaluar 40 për qind, të mos dërgohen doza të tjera.
“Jo më vaksina të tjera për vendet që kanë imunizuar mbi 40 për qind të popullsisë deri sa Covax të ketë dozat e mjaftueshme për të ndihmuar shtetet e tjera të arrijnë këtë nivel. Jo më doza përforcuese për personat që nuk vuajnë nga probleme të imunitetit. Shumica e vendeve me mbulim të lartë vaksinash, vijojnë të shpërfillin thirrjen tonë për një moratorium global ndaj dozave shtesë”, u shpreh Ghebreyesus.
Por pavarësisht mbulimit të lartë me vaksina, Europa sipas OBSH-së, është sërish epiqendër e pandemisë, me një rritje prej 55 për qind të rasteve në 4 javët e fundit.
Niveli i vaksinimit është ngadalësuar rreth kontinentit muajt e fundit e ndërsa 80 për qind e popullsisë në Spanjë është imunizuar, shifrat janë më të ulëta në Francë e Gjermani, respektivisht 68 dhe 66 për qind.
Shumë më e rëndë situata në Europën Lindore dhe Qendrore ku niveli i vaksinimit lëviz nga 30-40 për qind. OBSH-ja paralajmëroi të enjten, se infektimet rreth kontinentit të vjetër po arrinin nivele rekord dhe se deri në shkurt mund të regjistroheshin 500 mijë vdekje të reja. (A2 Televizion)
A2 CNN Livestream
MUND TE LEXONI GJITHASHTU
