Rritet bilanci nga koronavirusi, që tashmë do të ketë një tjetër emërtim sipas një vendimi të Organizatës Botërore të Shëndetësisë. Mbi 1100 persona kanë humbur jetën pasi u infektuan nga “Covid-19”, ku pjesa më e madhe e viktimave regjistrohen në provincën Hubei të Kinës, epiqendër e epidemisë.
Në botë, personat e infektuar nga virusi vdekjeprurës janë mbi 45 mijë, 44670 vetëm në Kinën kontinentale. Rastet më të shumta jashtë Azisë rezultojnë në Gjermani, me16 pacientë, ndjekur nga Australia dhe Shtetet e Bashkuara me 15 dhe 13 raste me “Covid-19”. Ndërkohë, Organizata Botërore e Shëndetësisë ngriti forumin për inovacion dhe kërkim, si masë për të luftuar përhapjen e virusit kinez.
Ndërsa një ekip shkencëtarësh në Mbretërinë e Bashkuar po punojnë me ritme të shpejta për gjetjen e një vaksine. “Duhet të sigurohemi që të kemi një vaksinë sa më parë. Nëse ajo nuk është e nevojshme jashtë Kinës, ky nuk është një problem, por madje diçka e mirë. Por duhet të sigurohemi që vaksina të jetë e gatshme sa më shpejt që të jetë e mundur”, tha Robin Shattock, profesor në departamentin e mjekësisë.
Sa i përket qarkullimit të udhëtarëve, Kina vijon të pranojë dhe dërgojë fluturime me një numër të kufizuar shtetesh. Ndërsa qytetarët brenda vendit nuk i janë rikthyer ende normalitetit me rrugët dhe metrotë e qyteteve të mëdha që duken të boshatisura. (A2 Televizion)
A2 CNN Livestream
MUND TE LEXONI GJITHASHTU
