Policia e Fierit ka arrestuar 3 persona gjatë një operacioni antidrogë. Në pranga kanë përfunduar pronari i një lokali i cili kishte përshtatur lokalin për përdorimin e drogave. Gjatë kontrollit në lokal u gjetën dhe u sekuestruan doza me kokainë, 18 380 euro, 1 armë gjahu dhe municion luftarak.
Në pranga edhe një shtetas që u gjet në lokal, i cili dyshohet se furnizonte pronarin e lokalit, me lëndë narkotike. Gjatë kontrollit në banesën e tij, Policia gjeti dhe sekuestroi 6,5 kilogramë lëndë narkotike kanabis. Gjithashtu, në pranga është vënë edhe kamerieri i lokalit, për moskallëzim krimi.
Të arrestuarit
-E. Gj., 46 vjeç, banues në Dërmënas, për veprat penale "Prodhimi dhe shitja e narkotikëve", "Përshtatja e lokalit për përdorim droge" dhe "Mbajtja pa leje e armëve të gjahut";
-L. G., 30 vjeç, banues në Pojan, për veprën penale "Prodhimi dhe shitja e narkotikëve";
-D. Ll., 28 vjeç, banues në Pojan, për veprën penale "Moskallëzimi i krimit".
“Gjatë kontrollit të ushtruar në Pojan, në lokalin në pronësi të shtetasit E. Gj., në të cilin ndodheshin edhe shtetasit L. G. (i dyshuar se furnizonte me lëndë narkotike pronarin e lokalit) dhe D. Ll. (i punësuar si kamarier), u gjetën dhe u sekuestruan në cilësinë e provës materiale doza me lëndë narkotike dhe kanabis, 1 armë gjahu me një sasi fishekësh dhe 18.380 euro që dyshohet se janë përfituar nga shitja e lëndës narkotike. Në vijim të operacionit, shërbimet e Policisë, gjatë kontrollit të ushtruar në banesën e shtetasit L. G., gjetën dhe sekuestruan në cilësinë e provës materiale 6.5 kg lëndë të dyshuar narkotike cannabis sativa. Në bashkëpunim me Prokurorinë vijon puna për dokumentimin e plotë të kësaj veprimtraie kriminale, identifikimin dhe kapjen e personave të tjerë të përfshirë”, tha policia.
Materialet i kaluan Prokurorisë, për veprime të mëtejshme procedurale. (A2 Televizion)
A2 CNN Livestream
MUND TE LEXONI GJITHASHTU
