Shtetet e Bashkuara të Amerikës, njësoj si FMN, BB dhe BE, kan shprehur shqetësimin e saj në lidhje me nismën e qeverisë shqiptare për amnistinë fiskale.
Gjatë një interviste në Zërin e Amerikës, zv/ndihmës sekretari i Shtetit, Escobar u shpreh se shqetësimet për amnistinë i janë përcjellë qeverisë shqiptare, të cilës i është kërkuar që ta përshtatë atë me standardet ndërkombëtare që kjo nismë të mos përdoret për pastrim parash.
“Po edhe ne kemi disa shqetësime. I kemi diskutuar ato me qeverinë e Shqipërisë. Do t’i bëja thirrje qeverisë së Shqipërisë t’i dëgjojë këto zëra dhe ta përshtatë qasjen ndaj amnistisë fiskale që të jetë në përputhje me standardet globale dhe me kërkesat e BE-së”, tha Escobar.
Më tej, zyrtari i lartë amerikan foli dhe për sulmet kibernetike iraniane ndaj institucioneve shqiptare, duke shprehur angazhimin e SHBA për të ndihmuar Shqipërinë në këtë sfidë.
“Kjo do të jetë pjesë e diskutimeve të sotme dhe shpresoj, që deri në fund të ditës, të kemi një marrëveshje për llojin e ndihmës që do japim; unë pres që ndihma të jetë si teknike edhe financiare, për të mbështetur sektorin e sigurisë kibernetike në Shqipëri”, shtoi Escobar. (A2 Televizion)
A2 CNN Livestream
MUND TE LEXONI GJITHASHTU
