Një çift bashkëjetuesish që administronin një qendër masazhesh në rrugën "Shyqyri Bërxolli"nw kryeqytet, kanë rënë në prangat e policisë. Mësohet se ata shfrytëzonin qendrën e masazheve, për prostitucion, ndërsa është proceduar penalisht edhe punonjësja 21-vjeçare.
Njoftimi i Policisë Tiranë
Specialistët e Seksionit për Hetimin e Trafiqeve të Paligjshme në DVP Tiranë, në vijim të punës për goditjen e paligjshmërisë, pas një pune të mirëfilltë hetimore, bazuar dhe në informacionet e marra në rrugë operative, organizuan dhe finalizuan me sukses operacionin policor të koduar "Couple 1", në kuadër të të cilit u bë arrestimi në flagrancë i shtetasve:
- F. D., 39 vjeç dhe M. E., 33 vjeçe (bashkëjetues), për veprat penale "Shfrytëzimi i prostitucionit" dhe "Mbajtja e lokaleve për prostitucion".
Gjithashtu, u procedua penalisht në gjendje të lirë shtetasja I. A., 21 vjeçe, për veprën penale "Prostitucioni".
Shtetasit F. D. dhe M. E. administronin një qendër masazhesh, në rrugën "Shyqyri Bërxolli", në të cilën kishin punësuar shtetasen I. A.
Përveç aktivitetit të regjistruar ligjërisht si qendër masazhesh, në këtë ambient ushtrohej edhe aktiviteti i kundërligjshëm i prostitucionit.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale. (A2 Televizion)
A2 CNN Livestream
MUND TE LEXONI GJITHASHTU
