Numri dy i Partisë Socialiste, Taulant Balla tha se komisioni hetimor për shkarkimin e Presidentit Ilir Meta do të vazhdojë punën, pavarësisht se Komisioni i Venecias theksonte se shkeljet e evidentuara nuk janë aq të rënda sa për ta shkarkuar Kreun e Shtetit.
Balla theksoi se kjo është në dorë të Kuvendit dhe më pas Gjykatës Kushtetuese.
“Është në tagrin e Kuvendit dhe Gjykatës Kushtetuese që të vlerësojë nëse kjo shkelje është e rëndë apo jo. Këtë thotë Komisioni i Venecias. Komisioni hetimor ka kohën e mjaftueshme për të vijuar punën e tij. Pa dyshim që është akt i mirë fakti që puna e tij u parapri me një opinion të Komisionit të Venecias. Kushtetuta aktuale e Shqipërisë është bërë me ekspertizën e vyer të Komisionit të Venecias dhe shprehet shumë qartë që shkelja e rëndë e Kushtetutës ndodh kur çdo veprim kryhet jashtë kompetencave të përcaktuara nga neni 94 dhe çdo veprim i kryer me dashje nga Presidentin është shkelje e rëndë”, deklaroi Balla. (A2 Televizion)
A2 CNN Livestream
MUND TE LEXONI GJITHASHTU
