Nisma e parë ligjore e qeverisë Rama 3 nuk merr aprovimin e Presidentit Ilir Meta. Ligji që kthen në Agjenci të ashtuquajturën bashkëqeverisje me qytetarët, nuk bindi kreun e shtetit i cili e ka kthyer për rishqyrtim në parlament, duke e gjykuar si një akt që, sipas tij, përqendron pushtet në duart e kryeministrit në kurriz të institucioneve vendore.
“Parashikimet në ligj bëhen edhe më shumë problematike kur bëhet fjalë për njësitë e vetëqeverisjes vendore dhe kurrsesi nuk mund t`i nënshtrohen verifikimit administrativ nga një agjencinë varësi të Kryeministrit”
Krahas përqendrimit të pushtetit, argument kundër i Presidentit është edhe pasiguria juridike duke e përcaktuar ligjin si të paqartë.
“Institucione me kompetenca të paqarta krijojnë sjellje të paqarta, dhe për rrjedhojë vendimmarrjet apo ushtrimi i funksioneve prej tyre është e pritshme të krijojnë një situatë të theksuar të pasigurisë juridike për qytetarët”
Socialistët kanë treguar në të shkuarën që argumentet e Presidentit nuk e kanë bindur dhe ky pritet të jetë dekreti I parë që rrëzohet në legjislaturën e tretë të udhëhequr nga maxhoranca Rama 3.
(A2 Televizion)
A2 CNN Livestream
MUND TE LEXONI GJITHASHTU
