Tre automjete janë djegur në Shkodër, njëra prej të cilave është shkrumbuar tërësisht nga flakët. Ngjarja ndodhi rreth orës 4:15 të mëngjesit.
Flakët e zjarrit kanë përfshirë edhe dy makina të tjera, të parkuara pranë saj, duke shkaktuar dëme të konsiderueshme.
Ende nuk dihen rrethanat e kësaj ngjarjeje ndërsa policia ka nisur hetimet rreth shkaqeve. Dyshohet për zjarrvënie të qëllimshme, megjithatë nuk përjashtohet pista e një defekti në sistemin elektrik. (A2 Televizion)
